Рускиот и азербејџанскиот претседател разговараа за трговската, економската и хуманитарната соработка

Рускиот претседател Владимир Путин и неговиот азербејџански колега Илхам Алиев денес остварија телефонски разговор во кој разговараа за трговската, економската и хуманитарната соработка, соопшти Кремљ, пренесува Анадолу.

Според соопштението, двајцата лидери се согласиле да ги интензивираат билатералните контакти на различни нивоа.

Тие последен пат телефонски разговараа кон крајот на јули, истакнувајќи ја конструктивната природа на руско-азербејџанските односи и интензивирањето на дијалогот меѓу владите и надлежните агенции. Тие, исто така, накратко се сретнаа на самитот на Шангајската организација за соработка во Бишкек овој месец.