САД: Замрзнатата река Сасквехана предизвикува загриженост за поплави во Пенсилванија

ПЕНСИЛВАНИЈА (АА) - Поради последниот бран ниски температури што го зафати американскиот регион Пенсилванија значително замрзна реката Сасквехана, а тоа предизвика загриженост кај жителите и локалните власти за можни блокади од ледени маси и последователни поплави, јавува Анадолу.

Во ниските делови на долината Вајоминг големи ледени плочи се натрупаа како резултат на студениот бран, што дополнително ги зголемува ризиците.

Националната метеоролошка служба предупредува дека евентуално нагло затоплување или дожд може да ги раздвижи ледените блокови, што би довело до затнувања и поплави во околните области.

Ситуацијата и понатаму е нестабилна, а жителите на долината Вајоминг се во неизвесност поради евентуалните временски промени.