САД: Најмалку 10 загинати во торнада, десетици илјади без струја

ЛИТЛ РОК (АА) - Најмалку десет лица загинаа, а голем број се повредени во торнадата што беа регистрирани во различни американски сојузни држави, пренесува Анадолу.

Торнада ги зафатија сојузните држави Арканзас, Илиноис, Ајова, Висконсин, Мисисипи и Тенеси.

Торнадата уништија домови и трговски центри и урнаа покрив на театар за време на концерт во Илиноис.

Полицискиот оддел на Ковингтон, во Тенеси, објави дека градот во западниот дел на Тенеси е непрооден откако далноводи и дрвја паднале на патиштата.

Торнадото предизвика и спорадични штети во Источна Ајова.

Речиси 90.000 домаќинства во Арканзас останаа без електрична енергија.

Противпожарните екипи се бореа со неколку пожари во близина на Ел Дорадо, во Канзас, а од некои жители е побарано да се евакуираат, меѓу кои и околу 250 деца од основните училишта.