Саудиска Арабија: Во пожар во државна болница 25 мртви, 107 повредени

РИЈАД (АА) - Во пожар кој избувна во државната болница во градот Јазан, во Саудиска Арабија, загинаа 25 лица, а 107 се повредени, јавува Anadolu Agency (AA).

Според соопштувањата на социјалните мрежи од страна на Цивилната заштита во Јазан, пожарот избувна рано утринава, а на терен се наоѓаат 21 пожарникарна екипа, екипите за спасување како и припадници на безбедносните сили кои со заеднички напори успеаа пожарот да го стават под контрола.

Гласноговорникот на цивилната заштита во Јазан, Јахја ел-Кахтани рече дека пожарот избувна во 2:10 часот на првиот кат на кој се наоѓаат интензивна нега и педијатрија.

Ел-Кахтани истакна дека сеуште не е позната причината поради која дојде до пожар.