Сирија повеќе не може да живее во страв и самоволие, вели францускиот министер за надворешни работи

ИСТАНБУЛ (АА) – Франција денес изјави дека Сирија „веќе не може да живее во страв и самоволие“, додека Сиријците ја слават првата годишнина од падот на режимот на Башар Асад во нивната земја, јавува Анадолу.

„Пред една година падна сирискиот режим на Башар ал-Асад. Пеколот на затворот Седнаја заврши. Овој момент мора да остане точка од која нема враќање. Сирија повеќе не може да живее во страв и самоволие“, напиша францускиот министер за надворешни работи Жан-Ноел Баро на американската платформа за социјални медиуми X.

Тој, исто така, повика на правда за жртвите и безбедност за Сиријците.

Асад, лидер на Сирија речиси 25 години, избега во Русија минатиот декември, со што заврши режимот на партијата Баaс, која беше на власт од 1963 година.