Сирија ја осуди посетата на Нетанјаху на југ како „тешко кршење“ на резолуциите на ОН

ИСТАНБУЛ (АА) – Сирија денес ја осуди посетата на израелскиот премиер Бенјамин Нетанјаху на тампон-зоната на југот на земјата, известува Анадолу.

Во соопштението, сириското Министерство за надворешни работи остро ја осуди „нелегитимната посета“ на Нетанјаху и израелските окупаторски претставници, опишувајќи ја како „тешко кршење на суверенитетот и територијалниот интегритет на Сирија“.

„Оваа посета претставува нов обид за наметнување свршен чин што е спротивен на релевантните резолуции на Советот за безбедност на ОН и спаѓа во рамките на политиките на окупаторот насочени кон зацврстување на агресија и продолжување на неговите прекршувања извршени на сириска територија“, додаде министерството.