АНКАРА
Според податоците на добротворната организација „One Tree Planet“, која помага во напорите за пошумување, едно од најстарите дрвја во светот е Метузалем, старо 4.852 години, пишува Агенција Анадолија (АА).
Метузалем се смета за едно од најстарите дрвја што не е клонирано. Локацијата на Метузалемот не се открива за да се заштити од љубопитните очи и оштетување, но се смета дека се наоѓа во Белите Планини во Калифорнија.
Се наведува дека Метузалем е дрво бор од видот „бристлкон“. Може да расте на почви каде што другите дрвја имаат потешкотии да растат, а неговото стебло е полно со смола, и може да преживее дури и ако изгуби 90 проценти од кората.
- Дабот „јурупа“ стар 13.000 години
Вековниот даб јурупа е пронајден во планините Јурупа во Калифорнија, САД. Има околу 70 стебла испреплетени во густа грмушка. Широк е околу 2,5 километри и висок еден метар.
Се верува дека растението слично на грмушка успеало да преживее 13.000 години поради неговата способност постојано да се клонира.
Некои експерти го опишуваат дабот „јурупа“ како најстарото растение во Калифорнија, а исто така и второто најстаро растение во светот што може да се самоклонира.
- 50-вековното дрво „тиса“ во Велика Британија
Друго дрво што им пркоси на годините е 50-вековното дрво „тиса“, што се наоѓа во селото Лангернив во Свонси, Велс, Велика Британија.
Според проценките на експертите, дрвото е старо меѓу 4.000 и 5.000 години. Се наведува дека стеблото на дрвото во непознат период се поделило на два дела. Ова дрво е ставено под заштита. Кај ова дрво познато и како најстарото дрво во Обединетото Кралство, едното стебло е 6 метри, а другото 12 метри.
Наведено е дека дрвјата „тиса“ можат да живеат и до 600 години. Но, се додава дека не е откриено друго дрво „тиса“ што живее толку долго, освен ова дрво старо 50 века.
Во претхристијанската ера се верувало дека дрвјата „тиса“ се свети.
Се сметало дека стеблата го симболизираат вечниот живот бидејќи секогаш биле зелени, и поради тоа што нивните гранки што паѓале на земјата можеле да пуштат корени.
Се верувало дека дрвјата можат да им помогнат на друидите, свештениците од келтските верувања, за да може да ги соберат духовите и да ги поврзат со другиот свет.
Дрвото „тиса“ се поврзува и со смртта во античкиот Рим, Грција и Египет, поради неговите отровни лисја и црвените бобинки.
Со текот на времето, дрвото станало моќен христијански симбол. Поради својата долговечност и непаѓањето на лисјата се сметало дека го симболизира воскресението на Исус.
- Маслиново дрво старо 3.350 години во Португалија
„Оливеира до Мучао“, една од најстарите маслинки во Португалија и на Пиринејскиот Полуостров, се наоѓа во селото Моришкаш во близина на Абрантеш.
Обемот на стеблото на дрвото е 11,2 метри, а неговата висина е 7,8 метри. Маслинката стара 3.350 години сè уште продолжува да дава плод.
Се смета дека дрвото е едно од најстарите маслинови дрвја во светот, заедно со дрвото „вувес“ на грчкиот остров Крит. За време на римската цивилизација, овие дрвја не се откорнати бидејќи се верувало дека маслиновите дрвја имаат натприродни моќи.
- Најстарото дрво во Иран „чемпрес еберкух“
Дрвото чемпрес еберкух е природен споменик што се наоѓа во иранската провинција Језд, и е сведок на историја од 4.000 до 5.000 години. Дрвото чека да биде вклучено во списокот на светско наследство на УНЕСКО.
Жителите на регионот го прифаќаат дрвото како дрво за желби и завети. На почетокот на дрвото биле врзувани парчиња ткаенина, а подоцна тоа веќе не се дозволува. Дрвото има значајно место во културното наследство на земјата.
Дрвото што им пркоси на годините, припаѓа на медитеранското поднебје. Висината му достигнува 28 метри, а обемот на стеблото е 11,5 метри.
Чемпресот се смета дека е најстарото дрво во Иран.
- „Пандо“, едно од најстарите дрвја во светот
Едно од најстарите дрвја на земјата е дрвото „пандо“, што се наоѓа во националните шуми на Рибното Езеро во Јута, САД.
„Пандо“ има голем подземен систем и се проценува дека ова дрво е старо 80.000 години.
Меѓу другото, се наведува дека корените на дрвото, што е меѓу најстарите познати живи организми во светот, постојано се обновуваат.
- Аргентинското дрво „Ел Алерсе Абуело“, старо 2.600 години, им пркоси на вековите
Староста на едно од најстарите дрвја во светот, наречено „Ел Алерсе Абуело“ надминува 26 века. Се наоѓа во Националниот парк „Лос Алерсес“ во Аргентина, во градот Ескел во провинцијата Чубут, на југот на земјата, на околу 1500 километри од главниот град Буенос Аирес.
„Илјадагодишниот ариш“ е под закана од исчезнување. Стар е околу 2.600 години, со должина од околу 57 метри и просечен дијаметар од 2,8 метри.
- Коњски костен во Италија
„Коњскиот костен“ е најстариот ваков вид во светот. Сведок е на историјата веќе 3.000 години. Се наоѓа во селото Сант Алфио, во близина на градот Катанија, Италија.
Дрвото, чиј обем на стеблото достигнува 58 метри, од Гинисовата книга на рекорди ја доби титулата „Најголем обем на дрво досега“.
Според легендите, дрвото го добило името по тоа што кралицата Џоана Анжујска со нејзините стотина витези се засолнила под ова дрво, откако била зафатена од бура за време на нејзината посета на планината Етна.
Исто така, се вели дека дрвото бил зафатено од вулканот Етна, што се наоѓа во близина, и дека изгореле некои негови делови. Но со текот на времето дрвото само се излекувало.
