Пожар во Хонгконг: Над 300 лица заробени на покривот на Светскиот трговски центар

АНКАРА (АА) - Повеќе од 300 лица се заробени на покривот на Светскиот трговски центар во Хонгконг, во кој изби пожар, пренесува Агенција Анадолија (АА).

Пожарот бил пријавен во 12:37 часот по локално време (04:37GMT) и ги зафатил просториите на трговскиот центар и канцеларискиот комплекс, објави дневниот весник „Саут Чајна морнинг пост“.

Полициските официјални претставници соопштија дека на покривот се наоѓале повеќе од 300 лица, а дека седум лица ги почувствувале последиците од вдишување на чадот.

Голем број пожарникари се обидуваат да го изгаснат пожарот, а над 100 луѓе се евакуирани од центарот.