Alperen Aktaş
06 Септември 2023•Ажурирај: 07 Септември 2023
ДЕИР ЕЗ-ЗУР (АА) - По минатомесечните судири меѓу терористите на ЈПГ/ПКК и арапските племиња во источната сириска покраина Деир ез-Зур, терористичката организација ги таргетира цивилите во селата принудувајќи го локалното население да бега, јавува Анадолу.
Терористичката организација ги напаѓа населените места Гираниџ, Сувејден, Ал Тајене, Зијбен и Хавајиџ со оружје земја-земја, изјавија локални извори.
Стотици семејства што бегаат од нападите бараат засолниште во побезбедни села под контрола на арапските племиња.
Од почетокот на судирите, арапските племиња ослободија вкупно 33 села од окупацијата на ПКК/ЈПГ во операции спроведени во покраините Деир ез-Зур, Рака и Хасека, како и руралното подрачје на Мунбич во Алепо.
Целото население на Деир ез-Зор го сочинуваат Арапи.
Подрачјето е окупирано од терористите на ЈПГ/ПКК под маската за борба против ДЕАШ и со поддршка од американската војска.
Терористичката организација насилно ги регрутира арапските деца.
Со заземање на нафтените извори во регионот и шверцувањето нафта на сирискиот режим, и покрај санкциите, терористите остваруваат приходи за своите активности.
