Тропската бура причина за смртта на 121 лице на Филипините

АНКАРА (АА) - Тропската бура Меги на Филипини предизвика поплави и свлечишта во кои досега животите ги загубија 121 лице, известува Агенција Анадолија (АА).

Агенцијата „Синхуа“ објави дека најголем број жртви, 81, има во градот Бејбеј во провинцијата Лејте. Во подрачјето Абујог во истата провинција, животот го загубија 31 лице.

Во веста се наведува дека од свлечиштата со земја се прекриени голем број домови и деловни објекти и повеќе не можат да се користат, и се додава дека 12 лица се водат за исчезнати.

Филипинската Национална агенција за катастрофи информира дека животот го загубиле и 8 лица во централните и јужните делови на земјата и едно лице во провинцијата Самар, додека 236 лица се повредени, а 28 лица се водат за исчезнати. Со последните жртви, бројката на загинати во тропската бура на Филипините се зголеми на 121.

Речиси 200 поплави предизвикани од тропската бура Меги се пријавени во централните и јужните делови на земјата во последната недела, додека најмалку 30.000 семејства беа сместени во засолништа за итни случаи.

Се стравува дека бројката на загинати може да се зголеми бидејќи во оваа природна катастрофа беа погодени најмалку 200.000 луѓе.

На Филипините, каде што во просек се случуваат 20 бури и тајфуни секоја година, во 2013 година тајфунот Хаијан беше причина за смртта на над 6.000 лица, а предизвика и големи разурнувања.