Тројца членови на екипажот загинаа во напад на Хусите врз трговски брод во Баб ел-Мандеб

Тројца членови на екипажот загинаа откако јеменската група Хуси нападна трговски брод во теснецот Баб ел-Мандеб, објави денес телевизија поврзана со јеменската Влада, пренесува Анадолу.

Телевизијата „Ал Џумхурија“ објави дека, според првичните информации, во нападот загинале двајца пакистански и еден индонезиски државјанин.

Телевизијата не го идентификуваше бродот ниту неговиот сопственик.

Хусите засега не дадоа коментар за нападот.

Баб ел-Мандеб е поморска порта кон Црвеното Море, на спротивната страна од Арапскиот Полуостров во однос на Ормускиот Теснец.