Турски МИТ приведе двајца терористи на ПКК кои воделе разузнавачка ќелија на таа терористичка организација во Истанбул

АНКАРА (АА) - Турската разузнавачка служба (МИТ) и полициското одделение во Истанбул извршија успешна операција и ги уапсија терористите на ПКК, Садик Топалоглу и Мехмет Саваш, за кои беше утврдено дека ги воделе разузнавачките активности на таа терористичка организација во Истанбул, известува Анадолу.

Неименуван безбедносен извор информираше дека акцијата била извршена врз основа на опсежна истрага за разузнавачките ќелии на терористичката структура на ПКК.

МИТ го следел терористот Садик Топалоглу, кој го користи и кодното име „Халил“ во терористичките структури.

Врз основа на овие активности, лицата се приведени во Истанбул под обвинение за членство во терористичката организација ПКК.

Истрагата покажа дека приведениот Топалоглу илегално отишол во главната база на ПКК на планината Кандил во Ирак и поминал обука за разузнавање, среќавајќи се притоа и со еден од водачите на таа терористичка организација Џемил Бајик, кој е познат и по кодното име „Џума“.

Топалоглу во Република Туркије дејствувал под маската на новинар за собирање информации за терористичката организација ПКК, а со приведениот Саваш собирале и финансиска помош за терористичката структура на ПКК во Сирија.