Најстариот голман Габор Кирали, ја заврши својата фудбалска кариера

БУДИМПЕШТА (АА) - Габор Кирали (40), најстариот фудбалер во историјата на Европското првенство ја заврши својата кариера како играч, јавува Anadolu Agency (AA).

Во синоќешниот пријателски натпревар меѓу Унгарија и Шведска (0: 2), во Будимпешта, голманот познат по тоа што голот го бранеше во долен дел сиви тренерки, од теренот „Гроупама арена“ беше испратен со овации. Во 29. минута од натпреварот него го замени Балаш Медери, по што Кирали и официјално „ги закачи копачките на клин“.

„Горд сум, среќен и со големи амбиции заминувам во фудбалска пензија. Бранев за Унгарија 18 години. Успеавме да се пласираме за Европското првенство во Франција, каде што одигравме добро. Време е за младите“, рече Кирали.

За репрезентацијата на Унгарија Кирали играше од 1998 година. На голот на националниот тим на својата земја беше во 108 натпревари. Бранеше и за германските клубови Херта и Баер, за англиските Кристал Палас, Вест Хем, Астон Вила, Фулам и Барнли.