Фенербахче го раскина договорот со бразилскиот фудбалер Фред

Фенербахче ја прекина соработката со бразилскиот фудбалер од среден ред Фред, пренесува Анадолу.

Клубот од Истанбул ја извести Турската фудбалска федерација дека договорот со 33-годишниот фудбалер е раскинат.

Се очекува искусниот фудбалер да направи трансфер во Атлетико Минеиро, еден од најпознатите бразилски клубови.

Фред, кој три сезони го носеше дресот на Фенербахче, постигна 12 гола на 129 официјални натпревари.