АА ќе го пренесува обраќањето на Ердоган за убиството на Кашоги

АНКАРА (АА) Турскиот претседател Реџеп Таип Ердоган денес ќе говори за деталите поврзани со убиството на новинарот Џамал Кашоги, а Anadolu Agency (AA) во живо ќе го пренесува неговото обраќање.

Ердоган ќе се обрати во Клубот на пратеници на владејачката Партија на правдата и развојот во Големото народно собрание на Република Турција.

Тој вчера рече дека убиството на новинарот Кашоги е пречувствително прашање на кое Турција пристапи максимално сериозно за да се открие вистината.

Најави дека за деталите ќе говори денес во Парламентот.

Обраќањето на Ердоган ќе започне во 10.45 часот, и директно ќе го пренесува АА.

Обраќањето ќе биде симултано преведувано на англиски и на арапски јазик.

Следете во живо на линкот: @AACanli + http://YouTube.com/AnadoluAjansi