Во северозападна Турција пронајдени тела на тројца илегални мигранти

ЕДРЕНЕ (АА) - Тела на тројца илегални мигранти се пронајдени во три различни погранични села во турската северозападната област Едрене, јавува Anadolu Agency (AA).

„Телото на еден мигрант за кого се смета дека е со авганистанско потекло, е пронајдено во селото Серем, додека телата на двајца други мигранти се пронајдени во селата Акчадам и Адасарханли“, соопштија безбедносни извори.

Сите мигранти се пронајдени смрзнати и нивните тела се испратени до истанбулскиот Институт за судска медицина за да се утврдат причините за смртта.

Турција е главна рута за бегалците кои се обидуваат да преминат во Европа, особено по почетокот на граѓанската војна во Сирија.