Ердоган уште еднаш повтори: Ги поддржуваме нашите либиски браќа, а не пучистите

АНКАРА

Турскиот претседател Реџеп Таип Ердоган денес ја повтори поддршката на својата земја на Владата на Либија во нејзината борба против водачот на илегалните вооружени сили од источниот дел на Либија, Калифа Хафтар, пренесува Агенција Анадолија (АА).

„Потомците на либискиот антиколонијалистики херој Омар Муктар ги поразија на портите на Триполи „легионерите“ пратени од целиот свет во обид да ја окупираат земјата“, изјави Ердоган.

„Ние ќе ги поддржиме нашите либиски браќа, а не пучистите и не империјалистите“, нагласи Ердоган мислејќи на Хафтар и неговите поддржувачи и додаде:

„И понатаму ќе ги фрустрираме и внатрешните и надворешни ентузијасти на пучот и љубители на терористичките организации“.

• Ердоган: Турските научници успешно го произведоа лекот Фавипиравир кој се користи во лекувањето на Ковид-19

Либија е средиште на длабока политичка и безбедносна криза уште од 2011 година кога од власта беше соборен и убиен Муамер ал Гадафи. Владата на национално единство на Либија со седиште во Триполи има поддршка од ОН и меѓународните заедници, додека Хафтар од Тобрук ги предводи нелегитимните сили кои главно се поддржани од Египет и Обединетите Арапски Емирати.