Во Турција издадени налози за приведување на 63 припадници на ФЕТО

АДАНА

Турските обвинители издадоа налози за приведување на 63 осомничени лица поради нивна поврзаност со ФЕТО, терористичка организација којашто стои зад обидот за пуч во 2016 година во Турција, соопштија безбедносни извори, јавува Агенција Анадолија (АА).

Властите во Адана бараат приведување на осомничените, вклучувајќи и некои отпуштени полицајци во Адана, Мерсин и Истанбул.

„Осомничените се обвинети дека обезбедувале пари и набавки за ФЕТО и дека биле вклучени во активности за прегрупирање“, вели извор, кој зборуваше под услов да остане анонимен.

Полицијата започна операции за приведување на осомничените.

ФЕТО и нејзиниот водач, Фетула Ѓулен, кој живее во САД, стојат зад неуспешниот обид за државен удар на 15 јули 2016 година во Турција, во кој загинаа 251 лице, а речиси 2.200 беа повредени.

Терористичката организација ФЕТО стои и зад долготрајната кампања за соборување на државниот поредок преку инфилтрирање на своите припадници во турските институции, особено во војската, полицијата и судството.