МИТ ја неутрализираше Ремзија Алтиг, високорангирана терористка на ПКК

АНКАРА (АА) - Национална разузнавачка служба (МИТ) на Туркије со успешна операција во регионот Камишли во Сирија ја неутрализираше терористката Ремзије Алтиг, една од т.н. чувари на оптекот на пари на терористичката организација ПКК/ЈПГ, известува Анадолу.

Според информациите добиени од безбедносни извори, МИТ утврди дека терористката Ремзије Алтиг, со кодно име „Вијан“, спроведувала активности во Сирија во согласност со упатствата што ги добивала од т.н. висок персонал на организацијата.

Алтиг, која внимателно била следена од специјален тим на МИТ, е неутрализирана во акција спроведена во Камишли.

Се дознава дека Алтиг претходно, во 2016 година ги организирала демонстрациите во организација на младинската структура на терористичката организација ПКК/КЏК во Мерсин и учествувала во оперативното планирање на организацијата.

ПКК е сепаратистичка организација која се наоѓа на листата на терористички организации во Туркије, Европската унија и во САД.

Во текот на повеќедецениската кампања против Туркије, терористите на ПКК убија најмалку 40.000 луѓе, вклучувајќи жени, деца и новороденчиња. Оваа терористичка организација делува и во северните делови на Ирак и на Сирија.