Alperen Aktaş
05 Октомври 2023•Ажурирај: 06 Октомври 2023
ИСТАНБУЛ (АА) - Турските сили за безбедност изведоа операции против терористите на ПКК во северен Ирак, во близина на турската граница, и неутрализираа голем број терористи со напад на 22 засолништа и складишта за муниција, соопшти турското Министерство за одбрана, јавува Анадолу.
Во соопштението се наведува дека за време на операциите турските авиони гаѓале терористички цели во северните ирачки региони Метина, Хакурк, Гара, Кандил и Асос.
„Вкупно 22 цели, вклучувајќи пештери, засолништа и магацини, за кои е утврдено дека ги користи сепаратистичката терористичка организација ПКК и во кои се терористи на одговорни позиции, се уништени во воздушните операции“, се наведува во соопштението.
Се додава дека во операциите максимално е користена домашна муниција, што резултирало со ефикасно неутрализирање на голем број терористи.
Терористите на ПКК често се кријат преку границата во северен Ирак за да планираат терористички напади во Туркије.
Во својата над 35-годишна терористичка кампања против Туркије, ПКК, означена како терористичка организација од Соединетите Американски Држави, Европската Унија и Туркије, е одговорна за смртта на повеќе од 40.000 луѓе, вклучувајќи жени, деца и новороденчиња.
Операциите на турските сили уследија само неколку дена откако двајца терористи со јасна поврзаноост со ПКК изведоа напад на седиштето на полицијата во главнот град Анкара, според Министерството за внатрешни работи. Еден терорист се разнесе, а другиот загина. Во нападот полесно се повредени двајца полицајци.
