Турски МИТ неутрализира висока терористка на ЈПГ/ЈПЏ во Северна Сирија

ИСТАНБУЛ (АА) - Турското разузнавање (МИТ) неутрализира водач на терористичката организација ЈПГ/ЈПЏ во Северна Сирија, соопштија денес безбедносни извори, јавува Анадолу.

Емине Сеид Ахмед, која ѝ се приклучила на терористичката организација во 2011 година, идентификувана како организатор на акции против турските безбедносни сили, беше цел на прецизна операција спроведена во градот Камишли.

Ахмед, за која се истакнува дека е одговорна за набавка и користење ракети за терористичката организација, дала наредба за ракетни напади врз Турските безбедносни сили во зоната на операцијата „Маслинова гранка“ од Тел Рифат.

Утврдено е дека терористката издавала наредби и за ракетни напади кон цивили во јужната турска област Килис.

Во својата над 35-годишна терористичка кампања против Туркије, ПКК, која е ставена на листата терористички организации од страна на Туркије, САД, Велика Британија и ЕУ, е одговорна за смртта на повеќе од 40.000 луѓе, меѓу кои и бебиња, деца и жени. ЈПГ/ЈПЏ е сириски огранок на ПКК.