Турција: Во стравичен судар на камион и минибус загинаа 11 лица

ВАН (АА) - Најмалку 11 лица загинаа додека четири се повредени во стравична сообраќајна несреќа на камион и минибус кој пренесувал наставници и студенти, во Ван, источниот дел на Турција, рано утринава, јавува Anadolu Agency.

Наставниците и студентите, кои се наоѓале во минибусот, патувале од округот Ерџиш во Ван кон центарот на градот на испит, рече гувернерот на Ван, Ибрахим Ташјапан.

На местото на несреќата излезе крим-полицијата за да направи увид на местото, додека повредените се пренесени во најблиската болница.