Burcu Çalık Göçümlü
07 Декември 2021•Ажурирај: 08 Декември 2021
АНКАРА (АА) - Турските безбедносни сили го неутрализираа таканаречениот регионален командант на терористичката организација ПКК, изјави министерот за внатрешни работи на Турција, Сулејман Сојлу, пренесува Агенција Анадолија (АА).
Ферхат Тунч, со кодно име „Рубар“, е неутрализиран во заедничка операција спроведена од разузнавањето, авијацијата и специјалните сили, објави Сојлу преку Твитер.
„Еден пиштол, две рачни гранати, еден пар термички очила и организациски документи се пронајдени од осомничениот за време на операцијата спроведена во селото Хаџилар во областа Божова во југоисточната област Шанлиурфа“, се вели во соопштението на Министерството за внатрешни работи.
Во својата над 30-годишна терористичка кампања против Турција, ПКК, која се наоѓа на листата терористички организации во Турција, Соединетите Американски Држави (САД) и Европската Унија (ЕУ), одговорна е за смртта на околу 40.000 луѓе, меѓу кои и деца и жени. ЈПГ е сириски огранок на ПКК.
