Чавушоглу се сретна со својот катарски колега во Доха

ДОХА (АА) - Турскиот министер за надворешни работи, Мевлут Чавушоглу денес се состана со својот катарски колега, Мухамед бин Абдулрахман Ал Тани во Доха, каде што разговараа за регионалните случувања и за билатералните односи, изјави дипломатски извор за Anadolu Agency (АА).

Според анонимни извори, двајцата министри разговарале за билатералните односи меѓу Турција и Катар.

Чавушоглу доцна синоќа пристигна во Доха од саудискиот град Џеда, каде што присуствуваше на итниот состанок на извршниот комитет на Организацијата за исламска соработка (ОИС).

Итниот состанок во Џеда беше организиран за да се дискутира за неодамнешните случувања во Сирија, особено во градот Алепо.

Се очекува турскиот министер за надворешни работи да ја напушти Доха вечерва.

Сирија е заробена во жестока војна уште од почетокот на 2011 година, кога режимот на Башар ал-Асад презеде мерки со неочекувана свирепост против продемократските протести.