Maqedoni e Veriut, 6 raste të reja me COVID-19

Gjatë 24 orëve të fundit në Maqedoninë e Veriut u regjistruan 6 raste të reja të koronavirusit (COVID-19) duke rritur numrin e përgjithshëm të rasteve që nga fillimi i pandemisë në vend në 155.706, transmeton Anadolu Agency (AA).

Asnjë viktimë nuk është regjistruar në 24 orët e fundit, kështu që bilanci i vdekjeve nga ky virus në vend mbetet 5.486.

Gjithashtu, në 24 orët e fundit, nuk është regjistruar asnjë pacient i shëruar nga COVID-19 ndërsa numri i të shëruarve është 150.067.

Numri i rasteve aktive me COVID-19 në Maqedoninë e Veriut është 153.

Ministria e Shëndetësisë informon se në 24 orët e fundit janë realizuar 3.028 teste për COVID-19 ndërsa deri më tani janë kryer gjithsej 887.621 teste në vend.