Dildar Baykan
24 Maj 2017•Përditësim: 25 Maj 2017
SAO PAULO (AA) - Në një minierë në verilindje të Brazilit është gjetur smerald në peshë 272 kilogramë dhe gjatësi prej 1,3 metrash, raporton Anadolu Agency (AA).
Paulo Santana, zyrtar në Departamentin Nacional të Prodhimeve Minerale, ka njoftuar se smeraldi është gjetur rreth 20 ditë më parë nga minatorët në Kooperativën Minerale në shtetin e Bahias.
Santana ka thënë se smeraldi është i gjatë 1,3 metra dhe peshon 272 kilogramë dhe se është minerali i dytë më i madh në rajon pas smeraldit që ishte gjetur në vitin 2001 me peshë prej 292 kilogramësh dhe vlerë prej 300 milionë dollarësh.
Santana ka thënë se nuk e di vlerën e smeraldit dhe se i njëjti i është shitur pronarit të një miniere në rajon.
Ndërkaq, Marcio Jandir, avokati i blerësit i cili nuk ka dashur ta shpalosë emrin e tij, ka theksuar se klienti i tij do ta ekspozojë smeraldin në muze dhe biblioteka.
