Dy alpinistë të huaj humbin jetën në Everest

Dy alpinistë të huaj kanë vdekur në malin Everest, viktimat e para të sezonit të alpinizmit, tha organizatori ekspeditës së tyre, transmeton Anadolu Agency (AA).

Chhang Dawa Sherpa, menaxher i ekspeditës së Seven Summit Treks, tha se Abdul Waraich, një alpinist nga Zvicra ka humbur jetën të mërkurën derisa po kthehej pasi arriti majën më të lartë në botë.

Puwei Liu, një alpinist amerikan, humbi jetën në Kampin 4, kampi më i lartë para majës në 8.848.86 metra.

Lodhja nga bora në të ashtuquajturën "zonë vdekjeje" të Everestit e detyruan alpinistin amerikan të kthehej pa arritur në majë, tha Sherpa.

Nepali lejoi alpinistët të kthehen në Everest dhe majat e tjera të Himalajës pasi mbylli alpinizmin për shkak të pandemisë së koronavirusit të ri (COVID-19) vitin e kaluar. Këtë vit, qeveria lëshoi 408 leje për Everest, një numër rekord.

Qindra alpinistë përpiqen të arrijnë majat më të larta të botës në Nepal. Sezoni komercial zhvillohet nga prilli deri në maj çdo vit.​​​​​​​