Erdoğan: Në Siri dëshirojmë të bashkëpunojmë edhe me SHBA-të

KASTAMONU (AA) - Presidenti i Turqisë, Recep Tayyip Erdoğan është shprehur: "Në Siri dëshirojmë të bashkëpunojmë me SHBA-të në të njëjtën mënyrë sikurse po bashkëpunojmë me Rusinë dhe Iranin. Problemi është nëse dëshiron Amerika të bashkëpunojë me ne apo jo. Ne jemi të kënaqur, nëse Amerika bashkëpunon me ne. Ne do të shikojmë se çfarë mund të bëjmë së bashku. Ai që hedh një hap drejt nesh, ne nuk hezitojmë t'i përgjigjemi duke hedhur dyfishin. Në të vërtetë nuk ka asnjë problem që ne nuk mund ta zgjidhim mes nesh", raporton Anadolu Agency (AA).

Erdoğan, gjatë kongresit të AK Partisë në qytetin Kastamonu, ka theksuar më tej: "Vetë e dinë. Por çdokush në rajon duhet ta pranojë këtë të vërtetë. Që ne në një kohë jo shumë të largët do t'i vërsulemi kësaj organizate terroriste. Kërkesa jonë është që gjatë këtij procesi askush të mos na ngatërrohet në këmbët tona".

Ndërsa në lidhje me krizën e vizave me SHBA-të presidenti i Turqisë, tha se "Krizën e vizave ishin vetë SHBA-të që e nisën dhe faleminderit që po ata e përfunduan. Ne nuk e dëshiruam një krizë të tillë, e cila tashmë ka përfunduar. Gjithashtu nuk ka asnjë arsye që të mos jetë e njëjta gjë edhe në krizën e Sirisë".

Për ndihmën me armë që SHBA-ja ka siguruar për PKK/PYD-në, Erdoğan është shprehur: "Që nga dita kur më kanë thënë mua personalisht se nuk do t'i jepen më armë organizatave në rajon, jo qindra, por kanë dërguar mbi 4 mijë maune me armë, armatime dhe autoblinda. Kjo nuk mbeti e mjaftueshme vetëm me shpërndarjen e këtyre armëve përgjatë kufijve tanë me Sirinë, por për këtë u vendos edhe pagesë shtesë në buxhetin e vitit të ardhshëm. Agresiviteti i organizatës terroriste separatiste rritet çdo ditë e më shumë për shkak të kësaj mbështetjeje që ka marrë. Për këtë arsye ne ndodhemi në një pozicion që ka sosur durimi. Pas kësaj ne do të shikojmë vetëm dhe vetëm punën dhe praktikat".

Erdoğan gjithashtu ka theksuar se "Të gjithë vëllezërit tanë të cilët janë pronarët e vërtetë të këtyre vendeve do të rifitojnë shtëpitë e tyre, ashtu sikurse ne e pastruam Afrinin dhe Munbixhin nga terroristët. Më pas do të sigurojmë të gjitha rajonet tona kufitare duke filluar nga Tel Abjad dhe Resulajn. Ne çfarë kemi vepruar më parë për DEASH-in edhe për organizatën YPG/PYD do të veprojmë të njëjtën dhe me patjetër do ta bëjmë të sigurtë pjesën përtej kufijve tanë".