Etiopia: Eritrea do t'i tërheq forcat e saj nga rajoni Tigray

Kryeministri i Etiopisë, Abiy Ahmed njoftoi se trupat e Eritreas që mbështesin operacionin ushtarak kundër rebelëve në veri do të tërhiqen nga Etiopia, transmeton Anadolu Agency (AA).

Në një deklaratë Ahmed kujtoi se Fronti për Çlirimin e Popullit Tigray (TPLF) kreu një sulm me raketa si në qytetet e tjera ashtu edhe në Eritrea pasi sulmoi forcat e ushtrisë federale në nëntor të vitit 2020.

Duke theksuar se forcat e Eritreas u lejuan të hynin në Etiopi për të parandaluar sulmet, Ahmed deklaroi se vendosën të tërhiqnin forcat e Eritreas pas takimit me presidentin e Eritreas, Isaias Afewerki.

Duke deklaruar se Etiopia do të marrë përsipër sigurinë në rajonet kufitare ku janë tërhequr forcat e Eritreas, Ahmed tha se të dy vendet do të vazhdojnë të konsolidojnë marrëdhëniet e mira dhe bashkëpunimin ekonomik.

Kryeministri etiopian, Ahmed pas disa muajve të martën e pranoi se forcat e Eritreas ishin bashkuar gjithashtu në operacionin në rajonin Tigray.

Forcat e Eritreas janë akuzuar nga organizatat e të drejtave të njeriut për masakra civile dhe përdhunime në Tigray.

Qeveria e Ahmed-it është bërë aleate me fqinjin e saj Eritrean kundër TPLF, e cila dikur ishte forca dominuese në politikën e vendit.