Google feston Ditën e Republikës së Turqisë

Google ka përgatitur një logo të veçantë për 98-vjetorin e themelimit të Republikës së Turqisë, transmeton Anadolu Agency (AA).

Google feston Ditën e Republikës me një "doodle" të veçantë në faqen e saj kryesore.

Kur klikohet Doodle, përdoruesit drejtohen tek faqja me informacione dhe lajme për 29 Tetorin - Ditën e Republikës së Turqisë.

Aplikacionet Doodle synojnë të tërheqin vëmendjen duke u dhënë vend ditëve dhe festave të rëndësishme, ngjarjeve kulturore dhe njerëzve të rëndësishëm të historisë për vendet e botës. Përdoruesit e internetit mund të aksesojnë informacione të detajuara për atë ditë, person ose subjekt duke klikuar në logon e krijuar posaçërisht.