Indi, lumi Yamuna mbulohet me shkumë toksike

Lumi Yamuna, i njohur si i shenjtë në Indi, është mbuluar me shkumë toksike për shkak të mbetjeve industriale, transmeton Anadolu Agency (AA).

Sipas një lajmi në CNN, disa qytetarë janë larë në lumin Yamuna për të kryer ritualet e tyre fetare, pavarësisht shkumës toksike që i ngjan borës.

Sipas ekspertëve, shkumat toksike të shkaktuara nga mbetjet industriale përmbajnë amoniak dhe fosfate që mund të shkaktojnë probleme të frymëmarrjes dhe lëkurës.

Disa nga njerëzit që laheshin në lumë janë shprehur se uji ishte jashtëzakonisht i ndotur, por se nuk kishin zgjidhje tjetër për të kryer ritualet e tyre fetare.

Sipas Press Trust of India, 15 varka janë angazhuar për të pastruar lumin.