Irani: Jemi kundër vendosjes së forcave të huaja në rajon

Ministri i Jashtëm i Iranit, Hossein Amir-Abdollahian, theksoi se vendi i tij është kundër vendosjes së forcave të huaja në rajon, transmeton Anadolu Agency (AA).

Sipas deklaratës së publikuar në faqen e ministrisë, kryediplomati iranian dje ka pasur një bisedë telefonike me homologun e tij azerbajxhanas, Jeyhun Bayramov.

Duke iu referuar çështjeve rajonale gjatë takimit, Hossein Amir-Abdollahian, tha: "Ne gjithmonë besojmë se prania e fuqive të huaja në rajon do të komplikojë problemet".

Duke thënë se qeveria e Teheranit po kërkon zgjidhjen e duhur për konfliktin në Kaukaz në "bisedimet 3+3 dhe mekanizmat rajonalë", ai tha se vendi i tij do të vazhdojë përpjekjet për të zgjidhur problemin midis Azerbajxhanit dhe Armenisë.

"Ne e shohim sigurinë e rajonit si të ndërlidhur dhe e konsiderojmë sigurinë e Republikës së Azerbajxhanit si siguri të rajonit dhe Iranit. Ne kemi deklaruar në çdo platformë se jemi kundër vendosjes së forcave të huaja në rajon. Ne e shohim këtë si në kundërshtim me paqen, stabilitetin rajonal dhe bashkëpunimin", tha ministri i Jashtëm i Iranit.

Ministri i Jashtëm i Azerbajxhanit Bayramov foli edhe për përpjekjet e Iranit për paqen në rajon dhe tha se bisedimet 3+3 kontribuuan për stabilitetin dhe sigurinë rajonale.

Qeveria e Teheranit shpesh bën deklarata për shqetësimin e saj me vendosjen e forcave të huaja në rajon.

Takimet 3+3

Kur Grupi i MINSK-ut brenda Kombeve të Bashkuara (OKB) dhe Organizatës për Siguri dhe Bashkëpunim në Evropë nuk mundën të gjenin një zgjidhje në Kaukazin e Jugut, filluan të kërkoheshin zgjidhje rajonale. Türkiye sugjeroi formatin 3+3 për paqe të qëndrueshme në rajon, ku bëjnë pjesë Azerbajxhani, Gjeorgjia, Armenia dhe tre vendeve të tjera përreth rajonit (Türkiye, Irani dhe Rusia).

Formati, i quajtur gjithashtu "Gjashtë Platforma", mbajti takimin e tij të parë në Moskë në dhjetor 2021, por Gjeorgjia nuk mori pjesë në takim.