Izrael, rastet me koronavirus rriten në 55

Ministria e Shëndetësisë e Izraelit sot njoftoi pesë raste të reja të koronavirusit, duke arritur numrin e përgjithshëm në 55, raporton Anadolu Agency (AA).

Pesë persona u diagnostikuan me sëmundjen pasi u kthyen kohët e fundit nga Azerbajxhani, Gjermania dhe Zvicra.

Të hënën, kryeministri i Izraelit, Benjamin Netanyahu, njoftoi vendosjen e karantinës së detyrueshme për ardhjet për 14 ditë.

Sipas Organizatës Botërore të Shëndetësisë (OBSH), numri i përgjithshëm i vdekjeve nga koronavirusi tani është mbi 4.000, me afër 114.000 raste të konfirmuara.