Irak, kleriku shiit thirrje për të ndaluar lutjet e së premtes

Kleriku i shquar i shiitëve irakianë Ali al-Sistani sot u bëri thirrje njerëzve të respektojnë ndalimin e lutjeve në masë për të shmangur përhapjen e koronavirusit në vend, raporton Anadolu Agency (AA).

Al-Sistani e bëri këtë deklaratë në faqen e tij zyrtare duke iu përgjigjur një pyetjeje për kryerjen e lutjeve në masë si pasojë e përhapjes së koronavirusit.

"Këto tubime janë të ndaluara për të kufizuar përhapjen e koronavirusit, duhet të dëgjohet dhe të merret seriozisht", tha al-Sistani.

Që nga 24 shkurt, 73 raste dhe shtatë vdekje nga koronavirusi janë raportuar në Irak.

Sëmundja është përhapur në 110 vende, sipas Organizatës Botërore të Shëndetësisë (OBSH) që shpalli shpërthimin e urgjencës ndërkombëtare shëndetësore.