Ekip
21 Maj 2021•Përditësim: 22 Maj 2021
Të paktën 3 policë e kanë humbur jetën sot në mëngjes ndërsa 5 të tjerë janë plagosur në një shpërthim bombe në një qytet të Kenias në kufi me Somalinë, transmeton Anadolu Agency (AA).
Disa terroristë u vranë në përleshjen midis policisë kufitare dhe terroristëve të Al-Shabaab.
Autoritetet konfirmuan se policia kufitare ishte në shënjestër me një mjet shpërthyes të improvizuar (IED) dhe se përplasja me terroristët shpërtheu në qarkun Mandera, i cili ndan një kufi me Somalinë.
Zëvendës Inspektori i Përgjithshëm i policisë, Edward Mbugua për mediat lokale tha se terroristët nga Somalia shënjestruan patrullën e policisë.
"Operacioni i sigurisë është ende duke u zhvilluar", shtoi ai.
Më 18 maj, pesë pjesëtarë të personelit të Forcave të Mbrojtjes të Kenias humbën jetën në një pritë nga terroristët e Al-Shabaab.
