Sulm me bombë në Somali, 5 të plagosur

MOGADISHU (AA) – Së paku pesë persona, duke përfshirë katër pjesëtarë të stafit të sigurisë së Programit për Zhvillim të Kombeve të Bashkuara (UNDP) dhe një civil, u plagosën gjatë një sulmi me bombë në kryeqytetin somalez, Mogadishu, raporton Anadolu Agency (AA).

Abdifatah Omar Hallane, zëdhënësi i administratës rajonale të Banadirit, përmes telefonit u shpreh për AA se autobomba ka shpërthyer në afërsi të selisë së UNDP-së në këtë vend.

Shefi i policisë në Mogadishu, Bishar Abshir Gedi po ashtu konfirmoi incidentin dhe numrin e të lënduarve. Dëshmitari Mohamud Ilmi, tha se bomba ishte vendosur në një automjet i cili ishte parkuar afër ndërtesës së UNDP-së.

Grupi militant al-Shabaab mori përgjegjësinë për sulmin.