Libia njofton fundin e operacioneve pranë kufirit me Tunizinë

TRIPOLI (AA) – Qeveria e Unitetit e Libisë, e mbështetur nga OKB-ja, njoftoi fundin e operacioneve ushtarake pranë kufirit me Tunizinë, raporton Anadolu Agency (AA).

Në një deklaratë të publikuar nga Këshilli Presidencial i Qeverisë së Libisë, thuhet se Këshilli ka dhënë urdhra për marrjen e kontrollit të kalimit kufitar Ras Ajdir me Tunizinë.

Në deklaratë theksohet se masat e marra të sigurisë nga qeveria do të imponojnë sigurinë në zonë, duke u zotuar për ndjekjen e “kriminelëve dhe shkelësve të ligjit në të gjitha mënyrat”.

Të premten e kaluar, dy libianë u vranë në përleshjet mes grupeve të armatosura besnike të Qeverisë së Unitetit dhe zyrtarëve të kufirit libian në qytetin Ras Ajdir në kufirin tunizian.

Që nga viti 2011, kur udhëheqësi libian Muammar Gaddafi u rrëzua dhe vra në një kryengritje të përgjakshme, grupet rivale kanë luftuar për kontrollin e kalimit strategjik Ras Ajdir, një terminal kryesor tokash midis Libisë dhe Tunizisë.