Faruk Zorlu
16 Prill 2020•Përditësim: 16 Prill 2020
Udhëheqësi i opozitës izraelite, Benny Gantz, nuk arriti të formojë qeverinë e koalicionit pasi humbi një afat në mesnatën e së mërkurës, raporton Anadolu Agency (AA).
Gantz, udhëheqësi i partisë Blu e Bardhë, ka pasur 48 orë për të përfunduar procesin pasi iu dha mandat nga presidenti izraelit, Reuven Rivlin.
Media izraelite publike KAN raportoi se negociatat midis Gantz dhe kryeministrit të vendit, rivalit të tij politik Benjamin Netanyahu nuk arritën asnjë rezultat.
Mosmarrëveshjet midis dy partive çuan në mosformimin e qeverisë, theksohet më tej.
Rivlin u dakordua të zgjasë afatin e së hënës deri të mërkurën për Gantz për të formuar qeverinë.
Knesset, parlamenti i Izraelit, mund të votojë për nominimin e ndonjë kandidati për të qenë kryeministër brenda 21 ditëve.
