Ndërroi jetë ish-presidenti i Iranit Akbar Hashemi Rafsanjani

TEHRAN (AA) – Agjencia shtetërore iraniane e lajmeve raporton se ish-presidenti i këtij vendi, Akbar Hashemi Rafsanjani, ka ndërruar jetë në moshën 82-vjeçare, transmeton Anadolu Agency (AA).

Agjencia iraniane e lajmeve lajmëroi se Rafsanjani është trajtuar më parë në spital për shkak të problemeve me zemrën.

Detyrën e presidentit të Iranit, Rafsanjani e ka kryer nga viti 1989 deri në vitin 1997, ndërsa konsiderohet si një politikan me ndikim i cili ka pasur rol vendimtar në politikën e Iranit.

Ai ka mbështetur Hassan Rouhani, presidentin e tanishëm iranian.