Në Chicago hapet Panairi i automjeteve të modifikuara
Në panair janë ekspozuar mbi 500 lloje të ndryshme të automjeteve të modifikuara siç janë vetura, kamionetë, motoçikleta dhe kamionë
Chicago
CHICAGO (AA) – Në qytetin amerikan të Chicagos është hapur Panairi i automjeteve të modifikuara ”World of Wheels” në të cilin janë ekspozuar mbi 500 automjete, raporton Anadolu Agency (AA).
Në panairin i cili po mbahet në qendrën Donald E. Stephens janë ekspozuar mbi 500 lloje të ndryshme të automjeteve të modifikuara siç janë vetura, kamionetë, motoçikleta dhe kamionë. Në edicionin e sivjemë, të 56-in me radhë janë prezantuar edhe pjesë rezervë por edhe pajisje për mbrojtje dhe pastrim të automjeteve.
Vëmendjen e veçantë të vizitorëve e kanë tërhequr modelet dhe çmimet e automjeteve, në veçanti ato të oldtajmerëve.
Pritet që ky panair, i cili mbyllet sonte, të vizitohet nga 100 mijë njerëz.