OKB do të hapë në Katar zyrën e programit kundër terrorizmit

Kombet e Bashkuara (OKB) dhe Katari arritën një marrëveshje për të hapur një zyrë në Doha për një program të OKB-së kundër terrorizmit, transmeton Anadolu Agency (AA).

Sipas një njoftimi të përbashkët të lëshuar pas nënshkrimit, Zyra e Programit UNOCT për Angazhimin Parlamentar do të shërbejë si një qendër për hulumtime, njohuri dhe ndërtim të kapaciteteve duke shfrytëzuar inovacionin dhe partneritetin për të rritur mbështetjen për parlamentarët në mbarë botën.

Marrëveshja u nënshkrua nga kreu i Këshillit Shura të Katarit, Ahmed bin Abdullah bin Zaid Al Mahmoud dhe nën-sekretarit të përgjithshëm të Zyrës së OKB-së kundër Terrorizmit, Vladimir Voronkov.

"Katari po bën çdo përpjekje për të ndihmuar parlamentarët në të gjithë botën në angazhimin e tyre fisnik për të shpëtuar njerëzimin nga murtaja e terrorizmit", tha Al Mahmoud.

Ai tha se po bëhen përgatitje për të hapur zyrën dhe për të vendosur një plan veprimi në bashkëpunim me OKB-në.

Voronkov, nga ana e tij, vlerësoi rolin e Katarit në luftën kundër terrorizmit.

Ky projekt kundër terrorizmit me zhvillimin e OKB-së i jep besueshmëri qëndrimit të Katarit kundër akuzave nga rivalët se mbështet grupe terroriste.

Katari në vazhdimësi ka mohuar akuzat që u ngritën nga Arabia Saudite, Emiratet e Bashkuara Arabe, Bahreini dhe Egjipti kur ndërprenë marrëdhëniet diplomatike me Doha-n dhe në vitin 2017 vendosën një bllokadë tokësore, detare dhe ajrore.