Ali H. M. Abo Rezeg
14 Gusht 2020•Përditësim: 14 Gusht 2020
Shteti i Gjirit, Omani, ka dalë në mbështetje të marrëveshjes të së enjtes midis Emirateve të Bashkuara Arabe (EBA) dhe Izraelit për normalizimin e marrëdhënieve, raporton Anadolu Agency (AA).
Agjencia zyrtare e lajmeve të Omanit të premten citoi një burim të paemëruar nga ministria e jashtme, i cili ka thënë se "Sulltanati i Omanit mbështet marrëveshjen".
Si një shtet fqinj i Gjirit të Bahreinit, ai vlerësoi marrëveshjen e re si një akt “historik”.
Presidenti i SHBA-së, Donald Trump, njoftoi marrëveshjen të enjten, në një lëvizje e cila pengon planet e diskutueshme izraelite të aneksimit të pjesëve të mëdha të Bregut Perëndimor të pushtuar.
Një deklaratë e përbashkët nga SHBA, EBA dhe Izraeli thuhet se "ky hap i madh" do të promovojë "paqen në rajonin e Lindjes së Mesme dhe është një dëshmi e diplomacisë dhe vizionit të guximshëm të tre udhëheqësve", duke iu referuar Trump, Princit të Kurorës së Abu Dhabi, Mohamed bin Zayed al-Nahyan, dhe Kryeministri izraelit, Benjamin Netanyahu.
Agjencia e Lajmeve të EBA-së gjithashtu vlerësoi marrëveshjen si një hap drejt marrëdhënieve dypalëshe.
Ky shënon rastin e tretë që një komb arab ka vendosur lidhje të plota diplomatike me Izraelin, duke i bërë gjithashtu Emiratet shtetin e parë arab të Gjirit që ka bërë një gjë të tillë. Kombet e tjera arabe që kanë vendosur lidhje diplomatike me Izraelin janë Egjipti dhe Jordania.
Grupet palestineze denoncuan marrëveshjen e re, duke thënë se kjo nuk i shërben aspak çështjes palestineze dhe injoron të drejtat e popullit palestinez. Marrëveshja e paqes mes EBA dhe Izraelit është një "goditje e pabesë në shpinë të popullit palestinez", tha Hamas në një deklaratë.
