Policia izraelite vret një palestineze në Kuds

Policia izraelite vrau një grua 30-vjeçare palestineze në Qytetin e Vjetër të Kudsit Lindor, transmeton Anadolu Agency (AA).

Policia izraelite pretendon se gruaja palestineze dyshohet se u përpoq të sulmonte policët që qëndronin në njërën nga dyert e kompleksit Al-Aksa me një objekt të mprehtë.

Thuhet se policia izraelite qëlloi mbi palestinezen, por nuk dha më shumë detaje.

Policia izraelite mbylli disa dyer në zonën e Qytetit të Vjetër, përfshirë Portën e Damaskut, pas incidentit.

Burimet lokale thanë se bëhet fjalë për palestinezen Isri Huzeyme nga Kabatiya të Jeninit në Bregun Perëndimor të pushtuar.