Shpërthen vullkani Otake në ishullin Suwanose të Japonisë

Vullkani Otake në ishullin Suwanose të prefekturës Kagoshima në jugperëndim të Japonisë ka shpërthyer duke shpërndarë gurë të ndezur në një sipërfaqe prej rreth 1.3 kilometra, transmeton Anadolu Agency (AA).

Agjencia meteorologjike japoneze (AMJ) bëri të ditur se është regjistruar shpërthim i vullkanit në ishullin vullkanik Suwanose, 230 kilometra në jugperëndim të Kagoshima-s.

Agjencia njoftoi se gurët ishin shpërndarë në zonën prej rreth 1.3 kilometra për shkak të shpërthimeve ndërsa tymi po ngrihej deri në 200 metra.