Shpërthim në Afganistan, një i vdekur dhe dy të plagosur

Të paktën një person e ka humbur jetën ndërsa dy të tjerë janë plagosur në një shpërthim në rajonin Tank Til Logar në Kabul, kryeqytetin e Afganistanit, transmeton Anadolu Agency (AA).

“Një minë anash rrugës shpërtheu në rajon këtë mëngjes”, tha Ministria e Brendshme e talebanëve në një deklaratë.

Askush nuk e ka marrë ende përgjegjësinë për sulmin.

Organizata terroriste DEASH intensifikoi sulmet e saj pasi talebanët morën kontrollin e vendit më 15 gusht. Në Nangarhar, i njohur si një nga bastionet e DEASH-it, terroristët kryen disa sulme të armatosura dhe me bomba ndaj talebanëve.

Më shumë se 250 persona e kanë humbur jetën në katër sulme të mëdha, dy në Kabul dhe nga një në Kunduz dhe Kandahar.