Shqipëri, 5 vatra zjarri mbeten aktive

Në orët e fundit në Shqipëri janë raportuar 18 vatra zjarri, ndërkohë sipas autoriteteve 5 mbeten aktive dhe 7 janë nën mbikëqyrje, transmeton Anadolu.

Në një njoftim nga Ministria e Mbrojtjes e Shqipërisë thuhet se operacionet për shurjen e zjarreve vazhdojnë në qarqet Tiranë, Pukë, Dibër dhe në disa zona të tjera.

Sipas njoftimit, në operacionet e sotme janë angazhuar 216 forca operacionale dhe 8 automjete zjarrfikëse, ndërsa Forcat e Armatosura të Shqipërisë mbështesin ndërhyrjet me 70 efektivë, 2 helikopterë, 1 automjet zjarrfikës dhe mjete të tjera.

Në javët e fundit Shqipëria është përfshirë nga zjarret që kanë shkaktuar dëme në pyje dhe zona të tjera.