Tuba Şahin
27 Janar 2021•Përditësim: 28 Janar 2021
Instituti "Top Employers" ka lavdëruar prodhuesin e ilaçeve "Novartis" të Turqisë si Punëdhënësin më të mirë Global në vitin 2021 për suksesin e saj me burimet njerëzore, transmeton Anadolu Agency (AA).
Kompania gjithashtu u certifikua si punëdhënësi më i mirë në Evropë dhe Turqi për herë të katërt me radhë duke përmbushur kriteret e "strategjisë së talentit, përvetësimit të talentit, planifikimit të fuqisë punëtore, bordit, mësimit dhe zhvillimit, zhvillimit të lidershipit, karrierës, administrimit të suksesit, përfitimet, diversiteti, përfshirja dhe kultura", thuhet sot në deklaratën e kompanisë turke "Novartis".
"Novartis" është midis 16 punëdhënësve më të mirë globalë të certifikuar për përsosmërinë e tyre në kushtet e punonjësve nga Instituti "Top Employers", një autoritet global për njohjen e përsosmërisë në praktikat e njerëzve.
Avinash Potnis, drejtori menaxhues i kompanisë turke "Novartis" tha se çmimi tregon forcën dhe efektivitetin e kulturës korporative të shoqërisë dhe politikave të burimeve njerëzore.
"Kultura jonë e korporatës e cila përbëhet nga punonjës kuriozë, frymëzues dhe kompetentë është elementi themelor i suksesit tonë në Turqi", theksoi Potnis.
Drejtoresha e Burimeve Njerëzore të "Novartis", Senay Kizilkaya nënvizoi se kompania është përshtatur lehtësisht në periudhën pandemike falë "kulturës së fortë" që krijoi me praktikat e burimeve njerëzore.
Kompania, sipas Kizilkaya, ka zbatuar me sukses punën në distancë me aplikacione inovative të burimeve njerëzore, model fleksibël të punës dhe zgjidhje dixhitale të infrastrukturës për punonjësit e saj për të kryer në mënyrë efektive proceset e biznesit gjatë pandemisë.
"Në ndërkohë, ne e kthyem këtë periudhë në një mundësi dhe vazhduam të mbështesim punonjësit tanë në rrugëtimin e tyre në karrierë me programe të strukturuara", theksoi Kizilkaya.
