Numri i turistëve që vizituan Spanjën në periudhën janar-korrik ka qenë mbi 53 milionë ndërsa të ardhurat nga turizmi tejkaluan shifrën prej 71 miliardë eurosh, të dhëna të cilat në krahasim me vitet e mëparshme është një rekord, njoftoi Instituti Kombëtar i Statistikave të Spanjës (INE), transmeton Anadolu.

INE njoftoi se në periudhën janar-korrik 2024 Spanjën e kanë vizituar 53 milionë e 370 mijë turistë, me një rritje prej 12 për qind krahasuar me të njëjtën periudhë të një viti më parë.

Në njoftim u bë e ditur se vetëm në muajin korrik Spanjën e kanë vizituar 10.9 milionë turistë.

Në deklaratë thuhet se të ardhurat nga turizmi tejkaluan shifrën prej 71 miliardë euro në 7 muaj dhe theksohet se ka pasur një rritje prej 18.6 për qind krahasuar me të njëjtën periudhë të vitit 2023.

Nëse krahasohen të dhënat në fjalë me vitet e mëparshme, deklarata tha se është thyer rekord.

Ministri i Industrisë dhe Turizmit, Jordi Hereu, në deklaratën e tij lidhur me çështjen, duke tërhequr vëmendjen në veçanti në të ardhurat nga turizmi, tha se "Të dhënat e INE konfirmojnë se turizmi vazhdon të drejtojë ekonominë spanjolle, duke krijuar pasuri dhe punësim në këtë sektor".

Përderisa numri i turistëve që vizitojnë Spanjën tejkaloi shifrën 85 milionë për herë të parë në vitin 2023, ky numër pritet të tejkalohet deri në fund të vitit.