Spanjë, anija Aquarius me 630 migrantë ankorohet në Valencia

VALENCIA (AA) – Anija Aquarius me 630 migrantë u ankorua të dielën në portin spanjoll të Valencias, me çka iu dha fund një lundrimi prej 1.500 kilometrash nga Italia, raporton Anadolu Agency (AA).

Personeli mjekësor hipi në anijen italiane Dattilo në orën shtatë. Ajo shoqërohej nga anija Aquarius me migrantë dhe një tjetër anije italiane për ndihmë.

Anija Aquarius, e cila drejtohej nga grupi i mbështetjes SOS Mediterranee Sea dhe "Mjekët pa kufij", erdhën në brigjet e Sicilisë të shtunën e kaluar, kur Italia refuzoi ankorimin dhe të njejtën gjë e kërkoi edhe nga Malta. Malta gjithashtu refuzoi kërkesën e anijes për të ankoruar dhe pastaj Spanja ofroi portet e saj të largëta 1.500 kilometra.