COVID-19 transmetohet më shumë nëpërmjet ajrit sesa SARS

Shkencëtarët në Rajonin Special Administrativ të Kinës, Hong Kong, zbuluan se koronavirusi i ri (COVID-19) transmetohet më shumë nëpërmjet ajrit sesa Sindroma e Rëndë Respiratore Akute (SARS), transmeton Anadolu Agency (AA).

Sipas lajmit të agjencisë Xinhua, një grup shkencëtarë në Universitetin e Mjekësisë së Hong Kong, krahasuan në laborator viruset COVID-19 me SARS, H5N1 dhe H1N1 të cilët mund të transmetohen nga rrugët respiratore dhe sytë.

Rezultatet e arritura treguan se COVID-19 është më e efektshme në aspektin e transmetimit nëpërmjet syrit dhe rrugëve respiratore, sesa SARS.

"Ky pynim gjithashtu zbuloi se sytë janë një rrugë të rëndësishme në aspektin e transmetimit të COVID-19 tek njeriu", tha Michael Chan Chi-wai, lideri i ekipit hulumtues.

Hulumtimi u publikua në revistën shkencore "Lancet Respiratory Medicine".